Ymunwch â ni am ddau ddiwrnod o ddarganfod ar draws yr Ardd Fotaneg a Gwarchodfa Natur Waun Las, gan archwilio rhyfeddodau gwyllt ein tirwedd nodedig.

Mae BioBlitz yn ras yn erbyn amser i ddod o hyd i gymaint o fywyd gwyllt â phosibl dros gyfnod penodol a’i adnabod, gan greu ciplun o amrywiaeth rhywogaethau mewn lleoliad penodol. Gallwch ein helpu i gofnodi cymaint o rywogaethau â phosibl mewn 48 awr, a bod yn rhan o ddathliad mawr o fywyd gwyllt a chadwraeth Cymru.

Beth i’w Ddisgwyl:

• Bydd sefydliadau cadwraeth ac arbenigwyr o bob cwr o Gymru yn ymuno â ni
• Teithiau tywys bywyd gwyllt a gweithdai adnabod
• Sgyrsiau gan wyddonwyr a chadwraethwyr arbenigol
• Gweithgareddau cofnodi bioamrywiaeth ymarferol i bob oed
• Archwiliwch ein casgliadau botanegol a’n gwarchodfa natur

Mwy o wybodaeth i ddilyn. Yn y cyfamser, os hoffech ddysgu mwy am yr hyn a wnaethom a’r hyn a ddarganfuom yn ystod Gŵyl BioBlitz y llynedd, gallwch ddarllen y blog yma.