Dewch i mewn i fyd hudolus yr ŵyl y Nadolig hwn gyda’n Profiad Ceirw yng Ngardd Fotaneg Genedlaethol Cymru! 
Ymunwch â ni yn ein Canolfan Arddio sydd wedi’i haddurno’n hyfryd, ac sydd wedi’i thrawsnewid yn lleoliad Nadoligaidd lle daw hud y Nadolig yn fyw. Dewch i gwrdd â dau garw hardd yn eu corlan addurnedig arbennig a mwynhau profiad Nadoligaidd bythgofiadwy i’r teulu cyfan.
Yn ystod eich profiad, cewch gyfle i fwydo’r ceirw â’u hoff fwyd, sef cen, gyda chymorth ein ffrindiau Nadoligaidd, Miss Claus ac un o gorachod Siôn Corn! Bydd sled hardd, addurnedig hefyd ar gael i blant eistedd ynddi, gan greu’r lleoliad perffaith ar gyfer llun Nadoligaidd arbennig.
Bydd pob sesiwn yn para tua 10 munud, gan roi amser i chi gwrdd â’r ceirw, mwynhau cyfle hudolus i dynnu llun a chreu atgofion Nadoligaidd hyfryd. Mae croeso i chi dynnu eich lluniau eich hun yn ystod y profiad; fodd bynnag, sylwch na fydd ffotograffydd yn cael ei ddarparu ac na fydd ffotograffau na delweddau’n cael eu darparu fel rhan o’ch tocyn.
P’un a ydych yn ymweld gyda phlant bach neu’n chwilio am ychydig o hud ychwanegol i wneud eich dathliadau Nadolig yn fwy arbennig, mae’r profiad hudolus hwn yn siŵr o godi ysbryd yr ŵyl ar bawb!
Gwnewch eich ymweliad Nadoligaidd hyd yn oed yn fwy arbennig drwy fwynhau’r amrywiaeth blasus o fwyd a diodydd sydd ar gael yn ystod eich ymweliad. P’un a ydych yn awyddus i gael diod boeth i’ch cadw’n gynnes yn ystod tywydd oer y gaeaf, danteithion blasus neu rywbeth bach i roi egni newydd i’r teulu, mae rhywbeth at ddant pawb i wneud eich ymweliad Nadoligaidd hyd yn oed yn fwy pleserus. Cymerwch eiliad i ymlacio, mwynhau awyrgylch yr ŵyl a chael blas ar ychydig o ddanteithion tymhorol!
Mae’n bosibl y bydd pob sesiwn yn cael ei rhannu â theuluoedd eraill, felly gall fod mwy nag un teulu’n cymryd rhan yn y Profiad Ceirw ar yr un pryd.
Sylwch: Nid yw mynediad i’r Ardd Fotaneg wedi’i gynnwys ym mhris eich tocyn, gan fod y Profiad Ceirw yn cael ei gynnal yn ein Canolfan Arddio, nid yn yr Ardd Fotaneg ei hun. Nid oes angen prynu tocyn mynediad ar wahân i’r Ardd Fotaneg er mwyn cymryd rhan yn y Profiad Ceirw.