Pennaeth Garddwriaeth, Dysgu a Natur
Don Murray yw’r Pennaeth Garddwriaeth, Dysgu a Natur yng Ngardd Fotaneg Genedlaethol Cymru, lle mae’n arwain gwaith yr Ardd sy’n canolbwyntio ar arddwriaeth, dysgu, tirwedd, ffermio a natur. Mae ganddo dros 35 mlynedd o brofiad sy’n cwmpasu gerddi botanegol, tirweddau treftadaeth, garddwriaeth gyfoes, a chyrchfannau ymwelwyr mawr.
Mae Don wedi bod mewn uwch-swyddi arwain mewn sawl sefydliad a gydnabyddir yn genedlaethol ac yn rhyngwladol, gan gynnwys yr Eden Project, Garden Organic, The Newt in Somerset ac Ymddiriedolaeth Mount Stuart. Mae ei yrfa hefyd wedi cynnwys gwaith yng Ngerddi Botaneg a Thai Gwydr Birmingham, Gerddi Botaneg Marie Selby yn Florida, a Phrifysgol Missouri, lle bu’n gweithio ar ymchwil i ganopi coed trofannol.
Yng Ngardd Fotaneg Genedlaethol Cymru, mae Don yn ymwneud â llunio dyfodol y casgliadau byw, safonau garddwriaethol, rhaglenni dysgu, rheoli’r dirwedd, bioamrywiaeth, cynaliadwyedd a phartneriaethau. Mae ei waith yn cysylltu planhigion, pobl a lle, gyda ffocws cryf ar gadwraeth, gwrthsefyll yr hinsawdd, dysgu gydol oes, ac ymgysylltu â’r cyhoedd.
Mae gan Don MSc mewn Tacsonomeg Planhigion o Brifysgol Reading, ac mae’n Gymrawd y Sefydliad Siartredig Garddwriaeth a’r Linnean Society of London. Mae hefyd yn Gyfarwyddwr Cwmni Tir Cymunedol Bute ac yn aelod o Bwyllgor Cynghori RSPB Cymru.