Tân · Barddoniaeth · Cerddoriaeth · Perfformiad
Profiad dwys gyda’r nos yw Anadl y Ddraig sy’n cyfuno tân, cerddoriaeth, barddoniaeth a pherfformio, ac un o nodweddion mwyaf eiconig Cymru yn gefndir.
Gŵyl o dân, llên gwerin, ffantasi a diwylliant Cymru a fydd yn goleuo Gardd Fotaneg Genedlaethol Cymru am bedair noson yn yr hydref eleni, cyn dathlu ein pen-blwydd yn 25 oed flwyddyn nesaf.
Ar ddiwedd mis Hydref, wrth i’r hydref gyrraedd mewn gwirionedd a’r dydd wedi byrhau, bydd cydweithrediad hudolus yn dechrau rhwng y tîm yng Ngardd Fotaneg Genedlaethol Cymru a Walk The Plank, arbenigwyr digwyddiadau awyr agored pennaf y DG.
Llwybr tân synhwyrus i ymgolli ynddo yw’r digwyddiad sy’n darlunio swyn y gerddi yn yr hwyr, gan gyfleu cerfluniau tân cywrain wedi eu creu â llaw ac ar y cyd â pherfformiadau gan artistiaid, beirdd a cherddorion a fydd yn adrodd stori Anadl y Ddraig wrth ymwelwyr wrth iddyn nhw gerdded ar hyd llwybrau’r Ardd Fotaneg yng ngolau’r tân.
Wrth i’r profiad ddatblygu, bydd yn adrodd hanes draig sy’n marw ac sydd wedi rhoi’r gorau i’w chartref ar arfordir Rhosili ar Benrhyn Gŵyr gerllaw, i chwilio am loches yn y llyn y tu ôl i’r Tŷ’r Gwydr Mawr yn yr Ardd. Yma ac acw o gwmpas yr Ardd bydd ymwelwyr yn darganfod garddwyr apothecari ifanc, sy’n cymysgu diodydd i geisio gwella’r Ddraig a diogelu’r planhigion a’r dirwedd rhag tân y ddraig. Drwy farddoniaeth a chân sy’n gyforiog o seiniau Celtaidd, bydd ymwelwyr yn gweld, er bod y ddaear hwyrach yn llosgi, fod yna obaith yn y bobl ifanc a’u gallu i iachau’r byd.
Bwyd a Diod
Ar ddechrau’r digwyddiad, mae gennym bwll tân malws melys, amrywiaeth o losin a diodydd poeth ac oer blasus.
Pan gyrhaeddwch ein Tŷ Gwydr Mawr, gallwch godi sleisen o bitsa ffres a diod yn ein Caffi Med neu ddewis o amrywiaeth o brydau mwy sylweddol yn ardal Bwyd y Ddraig a Chaffi Botanica, mae’r ddau wedi’u lleoli gerllaw un o’n gosodiadau tân anhygoel – “In The Balance”.
Mae gennym ni bopeth o gawl a rholyn i fyrgyrs traddodiadol a selsig boeth ac amrywiaeth o grepes ffres, sglodion budr ac opsiynau fegan hefyd. Os fethoch chi’r pwll tân malws melys ar ddechrau Anadl y Ddraig, gallwch chi hefyd dostio malws melys yn ardal Bwyd y Ddraig lle mae gennym ni bwll tân arall.
Bydd Anadl y Ddraig yn rhedeg bob nos, o Ddydd Iau 24ain Hydref, Tachwedd i Ddydd Sul 27ain Hydref 2024.
Gwybodaeth Bwysig
Nid oes ad-daliadau ar gael. Gweler y Cwestiynau Cyffredin am ragor o wybodaeth.
Yr amser ar eich tocyn yw eich amser cyrraedd a gallwch dreulio cymaint o amser ag y dymunwch yn y digwyddiad hwn.
Gofalwyr
Mae croeso i ofalwyr ddod i’r digwyddiad am ddim. Fodd bynnag, rhaid bod ganddynt o leiaf un plentyn/oedolyn sy’n talu’n llawn yn y grŵp. I dderbyn lle gofalwr, rhaid i chi anfon e-bost ffurf ID Gofalwr/Prawf o Dystiolaeth Gofalwr dilys, cyfoes, ynghyd â’ch rhif archeb/archeb i thedragonsbreath@gardenofwales.org.uk. Nodwch os gwelwch yn dda, NAD OES angen tocyn Gofalwr arnoch a bydd eich enw yn cael ei roi ar gofrestr.
Cliciwch yma ar gyfer Cwestiynau Cyffredin y digwyddiad